«Լիվերպուլի» պաշտպան Տրենտ Ալեքսանդր-Առնոլդը դուրս է մնացել Անգլիայի հավաքականի՝ ԵՎՐՈ 2020-ի վերջնական հայտացուցակից:
Անգլիայի հավաքականի պաշտոնական կայքի հաղորդմամբ՝ այսօր կայացած բուժզննումը հաստատել է, որ պաշտպանը երեկ ստացած ազդրի վնասվածքի պատճառով չի կարողանա մասնակցել ԵՎՐՈ 2020-ին, ուստի կվերադառնա «Լիվերպուլ»՝ ապաքինման գործընթացը շարունակելու համար:
Անգլիայի հավաքականի գլխավոր մարզիչ Գարեթ Սաութգեյթը կորոշի՝ ով պետք է փոխարինի պաշտպանին միայն Ռումինիայի հավաքականի դեմ կիրակի կայանալիք խաղից հետո: