Ուզբեկստանի մայրաքաղաք Տաշքենդում շարունակվում է ծանրամարտի աշխարհի առաջնությունը:
96 կգ քաշային կարգի A ենթախմբում Հայաստանի հավաքականի անդամ Հակոբ Մկրտչյանը երկամարտի 370 կգ(163+207) արդյունքով գրավեց 12-րդ տեղը:
Հիշեցնենք՝ մինչև այս Հայաստանի ներկայացուցիչներից 81 կգ քաշային Ռաֆիկ Հարությունյանն զբաղեցրել էր 8-րդ տեղը, 89 կգ քաշային Անդրանիկ Կարապետյանը նվաճել էր փոքր ոսկե մեդալ, իսկ այսօր 96 կգ քաշային Դավիթ Հովհաննիսյանը B ենթախմբում զբաղեցրել էր 4-րդ հորիզոնականը:
Դեկտեմբերի 15-ին 102 կգ քաշային կարգի A ենթախմբում ելույթ կունենան Սամվել Գասպարյանը և Արսեն Մարտիրոսյանը, կանանց՝ 81 կգ քաշային կարգի A ենթախմբում պայքարի մեջ կմտնի Տաթև Հակոբյանը:
Դեկտեմբերի 16-ին 109 կգ քաշային կարգում կմեկնարկի Սիմոն Մարտիրոսյանը, իսկ դեկտեմբերի 17-ին գերծանր քաշային կարգում մեդալների համար կպայքարեն Վարազդատ Լալայանը և Գոռ Մինասյանը:
