Ալբանիայում ավարտվեց ծանրամարտի Եվրոպայի առաջնությունը։
Գերծանր քաշային կարգում Հայաստանի ներկայացուցիչներ Վարազդատ Լալայանն ու Գոռ Մինասյանը դարձան համապատասխանաբար արծաթե և բրոնզե մեդալակիրներ։
Պոկում վարժությունում Վարազդատ Լալայանը 211 կգ արդյունքով արծաթե մեդալ նվաճեց, իսկ հրում վարժությունում գրանցեց 240 կգ արդյունք: Երկամարտի 451 կգ արդյունքով Լալայանը դարձավ Եվրոպայի փոխչեմպիոն։
Պոկում վարժությունում Գոռ Մինասյանը 210 կգ արդյունքով փոքր արծաթե մեդալ նվաճեց, իսկ հրում վարժությունում գրանցեց 236 կգ արդյունք: Երկամարտի 446 կգ արդյունքով Մինասյանը դարձավ Եվրոպայի առաջնության բրոնզե մեդալակիր։
Եվրոպայի չեմպիոն հռչակվեց Վրաստանի ներկայացուցիչ Լաշա Տալախաձեն՝ երկամարտի 462 կգ արդյունքով։