Լեհաստանի Նովի Տոմիսլ քաղաքում շարունակվում է ծանրամարտի Եվրոպայի մինչև 15 և մինչև 17 տարեկանների առաջնությունը:
Մ-17 տղամարդկանց 85 կգ քաշային կարգում հիանալի ելույթ ունեցավ Հայաստանի ներկայացուցիչ Կարեն Ավագյանը:
Պոկում վարժությունում Ավագյանը գլխավերևում պահեց 150 կգ՝ արծաթե մեդալ նվաճած ծանրորդից 16 կգ ավելի: Հետաքրքիր է, որ Ավագյանն առաջին մոտեցմանը, երբ բարձրացրեց 140 կգ, արդեն իսկ ապահովեց ոսկե մեդալը:
Հրում վարժությունում ևս Ավագյանն անգերազանցելի էր: Մեր մարզիկը գլխավերևում պահեց 180-կիլոգրամանոց ծանրաձողը՝ արծաթե մեդալ նվաճած ծանրորդից 8 կգ ավելի:
Երկամարտի 330 կգ ցուցանիշով Կարեն Ավագյանը դարձավ Եվրոպայի պատանիների չեմպիոն: