«Չելսիի» գլխավոր մարզիչ Թոմաս Տուխելը խոսել է Պրեմիեր լիգայում մրցակցության մասին։
«Հուսով եմ՝ մեզ կհաջողվի երրորդ հորիզոնականն զբաղեցնել։ Մենք կայուն կերպով երրորդ հորիզոնականով ենք ընթացել աշխարհի ուժեղագույն առաջնությունում և մրցակցել, հնարավոր է, ԱՊԼ-ի պատմության լավագույն թիմերի՝ «Մանչեսթեր Սիթիի» և «Լիվերպուլի» հետ։
Մենք անհանգստանալու առիթ չունենք, այնուամենայնիվ, հավակնոտ ենք և ունեինք նպատակներ, որոնք չկարողացանք իրագործել»,- Տուխելի խոսքն է հաղորդում Daily Mail-ը։
Այս պահին «թոշակառուները» 70 միավորով զբաղեցնում են Պրեմիեր լիգայի մրցաշարային աղյուսակի երրորդ հորիզոնականը։ Առաջատարը «Մանչեսթեր Սիթին» է (90), որին հաջորդում է «Լիվերպուլը» (89):