«Չելսիի» գլխավոր մարզիչ Թոմաս Տուխելը խոսել է թիմի հարձակվող Ռոմելու Լուկակու մասին։
«Ես ցանկանում եմ, որ Ռոմելու Լուկակուն թիմի կարևոր մասնիկը լինի։ Չկան ֆուտբոլիստներ, որոնք ցանկանում են հեռանալ, քանի որ դա պարզապես անհնար է։ Պետք է աջակցենք Լուկակուին ու վստահենք: Մենք այդպես էլ անում ենք»,- Տուխելի խոսքն է մեջբերում լրագրող Ֆաբրիցիո Ռոմանոն։
Ռոմելու Լուկակուն «Չելսիի» կազմում ելույթ է ունենում 2021 թվականի օգոստոսից։ Բելգիացու պայմանագրի ժամկետը լոնդոնյան ակումբի հետ նախատեսված է մինչև 2026 թվականի հունիսի 30-ը։
Transfermarkt-ը 85 մլն եվրո է գնահատում ֆուտբոլիստի շուկայական արժեքը։