«Չելսիի» գլխավոր մարզիչ Թոմաս Տուխելը խոսել է Չեմպիոնների լիգայի քառորդ եզրափակիչի առաջին խաղում «Ռեալից» կրած պարտության մասին (1:3):
«Այնպիսի զգացողություն է, կարծես հիանալի հնարավորություն ենք բաց թողել «Ռեալի» դեմ խաղում: Դա կարևորագույն հանդիպում էր՝ ուժեղ մրցակցի հետ, սակայն չկարողացանք ցուցադրել մեր լավագույն խաղը: Հանդիպումից հետո չէի կարողանում վերահսկել էմոցիաներս, որովհետև գիտեմ՝ որքան լավ կարող ենք խաղալ: Շատ անթույլատրելի սխալներ գործեցինք: Ավելի ուշ տանը դիտել եմ այդ խաղն ու ավելի զայրացել: Առավոտյան նույնպես դիտեցի ու էլ ավելի զայրացա. այդ ամբողջ ընթացքում բավական շատ շոկոլադ եմ կերել, որպեսզի մեղմեմ զայրույթս»,- գերմանացի մասնագետի խոսքը փոխանցում է The Guardian-ը:
«Ռեալ» - «Չելսի» պատասխան հանդիպումը կայանալու է ապրիլի 12-ին՝ ժամը 23:00-ին: