«Չելսիի» գլխավոր մարզիչ Թոմաս Տուխելը խոսել է հարձակվող Ռոմելու Լուկակուի շուրջ ստեղծված իրավիճակից:
Հիշեցնենք,որ «ազնվականները» բելգիացու տրանսֆերային իրավունքը գնել էին «Ինտերից» նախորդ ամառ: Գործարքի արժեքը կազմել էր 115 մլն եվրո:
«Ռոմելուն պետք է անի այն, ինչ անում է Տիմոն: Հիացած եմ Վերներով. նա փայլեց վերջին 2 խաղերում: Շատերը մտածում են, թե մարզիչն է որոշում թիմի մեկնարկային կազմը, սակայն իրականում հենց ֆուտբոլիստն է նպաստում դրան:
Ամեն ինչ կարող է փոխվել 1 րոպեում, ու դա հատկապես վերաբերում է հարձակվողներին: Ամբողջ կարիերայի ընթացքը կարող է պայմանավորված լինել ընդամենը 1 դրվագի հանգուցալուծումով»,- գերմանացի մասնգետի խոսքը փոխանցում է ակումբի մամուլի ծառայությունը:
Ավելի վաղ նշվում էր, որ ամռանը Լուկակուն կարող է վերադառնալ «Ինտեր»: