Տոկիոյում ընթացող բասկետբոլի օլիմպիական մրցաշարի կիսաեզրափակիչում ԱՄՆ-ի հավաքականը 97:78 հաշվով հաղթեց Ավստրալիայի թիմին: Խաղի ընթացքում ամերիկացիները 15 միավորով հետ էին մրցակցից, բայց կարողացան շտկել իրավիճակը։
ԱՄՆ-ի կազմում լավագույնն էին Կևին Դյուրանտը (23 միավոր և 9 անդրադարձ) և Դևին Բուքերը (20 միավոր)։ Ավստրալացիներից ամենաարդյունավետը Պատրիկ Միլզն էր (15 միավոր)։
Մյուս կիսաեզրափակիչում իրար հետ կմրցեն Ֆրանսիայի ու Սլովենիայի հավաքականները։
