Կայացել է Տոկիոյում ընթացող ամառային Օլիմպիական խաղերի ազատ ոճի ըմբշամարտի 65 կգ քաշային կարգի վիճակահանությունը:
Հայաստանի հավաքականի ներկայացուցիչ, 65 կգ քաշային ըմբիշ Վազգեն Թևանյանը 1/8 եզրափակիչում կմրցի ռուս ըմբիշ Գաջիմուրադ Ռաշիդի հետ: 1/8 եզրափակիչի արգելքը հաղթահարելու դեպքում հաջորդ փուլում Թևանյանը ուժերը կչափի Ջորջիոս Պիլիդիս(Հունաստան) – Մագոմեդմուրադ Գաջիև(Լեհաստան) զույգի հաղթողի հետ:
1/8 եզրափակիչը կմեկնարկի օգոստոսի 6-ին:
VNews-ը լուսաբանում է 32-րդ ամառային Օլիմպիական խաղերը Ճապոնիայի մայրաքաղաք Տոկիոյից։ Մենք ամեն օր ձեզ ենք ներկայացնելու հայ մարզիկների ելույթները, հարցազրույցներն ու օրվա լավագույն լուսանկարները։