Ժոզե Մոուրինյոյի փնտրտուքները տրանսֆերային շուկայում Հարի Քեյնին փոխարինող գտնելու վերաբերյալ մոտ են ավարտին՝ հաղորդում է AS-ը։
Աղբյուրի տեղեկություններով՝ պորտուգալացի մասնագետը ցանկանում է իր թիմում տեսնել «Ռեալ Սոսյեդադի» հարձակվող, Լա լիգայի ընթացիկ մրցաշրջանում թիմի լավագույն ռմբարկու, բրազիլացի Վիլիան Ժոզե դա Սիլվային։
Իսպանական աղբյուրը պնդում է, որ գործարքը մոտ է կայացմանը, և ֆուտբոլիստը այսօր կամ վաղը մեկնելու է Լոնդոն՝ գործարքն ամբողջացնելու համար։
Նշենք, որ բրազիլացի հարձակվողի և «Ռեալ Սոսյեդադի» պայմանագրի ժամկետը նախատեսված է մինչև 2024 թվականի ամառ։ Ֆուտբոլիստի հրաժարագինը կազմում է 70 միլիոն եվրո։
Ավելացնենք, որ Լա լիգայի ընթացիկ մրցաշրջանում 28-ամյա ֆուտբոլիստը մասնակցել է 20 հանդիպման՝ դառնալով 8 գոլի հեղինակ։
Բեյլի գործակալ․ «Ուղղակի ծիծաղելի է խոսել դրա մասին»
***
Ավելի ուշ «Ռեալ Սոսյեդադը» պաշտոնական հաղորդագրություն է տարածել, ըստ որի՝ Արքայական գավաթի շրջանակում կայանալիք հանդիպմանը հայտացուցակից հանվել է Վիլիան Ժոզեն և նրա փոխարեն հայտավորվել է Լոբետեն։ Պատճառն այն է, որ բրազիլացին խնդրել է իրեն դուրս թողնել թիմի հայտացուցակից մինչև տրանսֆերի վերաբերյալ հստակ տեղեկություն լինի։
ℹ️ Cambio de última hora en la convocatoria: Lobete (dorsal 35) entra en la lista en lugar de Willian José. El delantero ha pedido al Club quedarse al margen hasta que se aclare su situación #AurreraReala pic.twitter.com/aVYulGVRqY
— Real Sociedad Fútbol (@RealSociedad) January 22, 2020