«Չելսիի» գլխավոր մարզիչ Թոմաս Տուխելն անդրադարձել է լոնդոնյան ակումբի և ՊՍԺ-ի տարբերության թեմային, ինչպես նաև ասել է, որ բարդ է աշխատել աստղային ֆուտբոլիստների հետ:
«Չելսին» ու ՊՍԺ-ն ոճի և կազմակերպվածության հակապատկեր են: Փարիզում ես կարծես սպորտի նախարար լինեի. զբաղվում էի աստղերի ընկերներով ու ընտանիքներով:
Ավելի հեշտ է մարզել Լուկակուին, քան Մբապեին ու Նեյմարին»,- La Gazzetta dello Sport-ը մեջբերում է գերմանացի մասնագետի խոսքը:
48-ամյա Տուխելը փարիզյան ակումբի ղեկին է եղել 2018 թվականի հուլիսի 1-ից մինչև 2020 թվականի դեկտեմբերի 29-ը:
Հիշեցնենք, որ 2020-21 մրցաշրջանում «Չելսին» Տուխելի գլխավորությամբ դարձավ Չեմպիոնների լիգայի հաղթող ու մրցաշարի գործող գավաթակիրն է:
