Ռուսաստանի՝ Ուկրաինայում շարունակվող «հատուկ ռազմական գործողությամբ» պայմանավորված՝ ՈՒԵՖԱ-ն հերթական որոշումն է կայացրել՝ տեղեկանում ենք եվրոպական ֆուտբոլի գլխավոր կառույցի պաշտոնական կայքից:
ՈՒԵՖԱ-ի գործադիր կոմիտեն որոշում է ընդունել, ըստ որի՝ մինչև հետագա ծանուցումն արգելվում է ֆուտբոլային կառույցի շրջանակում գտնվող մրցաշարերի հանդիպումների անցկացումը Մերձդնեստրի տարածաշրջանում (Մոլդովա):
«Որոշումը հիմնված է միջազգային քաղաքական և ռազմավարական վերլուծության մեջ մասնագիտացված գործակալությունների նկատառումների ու հետևողականորեն արված եզրակացությունների վրա: ՈՒԵՖԱ-ի վարչակազմն ուսումնասիրել է զեկույցները և որոշում ընդունել»,- ասված է կազմակերպության պաշտոնական հաղորդագրության մեջ:
Սա նշանակում է, որ Տրիասպոլի «Շերիֆը» չի կարող հանդիպում անցկացնել իր մարզադաշտում: Թիմը մասնակցելու է Չեմպիոնների լիգայի գալիք խաղարկությանը և մեկնարկելու է որակավորման 1-ին փուլից: Բոսնիական «Զրինսկիի» դեմ առաջին խաղը «Շերիֆը» կանցկացնի հյուրի կարգավիճակում, իսկ պատասխան խաղը՝ տանտիրոջ: Թիմերի պատասխան հանդիպումը նշանակված է հուլիսի 13-ին:
Հաղորդման համաձայն՝ «Շերիֆը» տնային հանդիպումն անցկացնելու համար պետք է առաջարկի այլընտրանքային մարզադաշտ, որը կհամապատասխանի ՈՒԵՖԱ-ի կանոնակարգերին: