Այսօր՝ վաղ առավոտյան, Սինգապուրում կայացավ UFC 275 մրցաշարը: Երեկոյի գլխավոր մենամարտում կիսածանր քաշային կարգում չեխ Իռժի Պռոխազկան խեղդող հնարքով հաղթեց գործող չեմպիոն, բրազիլացի Գլովեր Տեյշերային և նվաճեց չեմպիոնական տիտղոսը: Մենամարտն ավարտվեց 5-րդ ռաունդում:
Կանանց թեթևագույն քաշային կարգում Վալենտինա Շևչենկոն (Ռուսաստան - Ղրղզստան) միավորներով հաղթեց բրազիլուհի Տայլա Սանթոսին ու պահպանեց չեմպիոնական գոտին:
Ամենաթեթև քաշային կարգում կայացավ Յոանա Ենջեյչիկ (Լեհաստան) - Չժան Վեյլի (Չինաստան) ռևանշ մենամարտը: Այս անգամ նույնպես հաղթանակ տոնեց չինուհին՝ 2-րդ ռաունդում նոկաուտի ենթարկելով մրցակցին (առաջին մենամարտում հաղթել էր միավորներով):
Ամենայն հավանականությամբ, հենց Չժան Վեյլին կդառնա գլխավոր հավակնորդն ու չեմպիոնական գոտու համար կմենամարտի գործող չեմպիոնուհի Կառլա Էսպարսայի հետ (ԱՄՆ):
