ԱՊԼ-ի ընթացիկ մրցաշրջանն անհաջող է դասավորվել «Մանչեսթեր Յունայթեդի» համար: The Sun-ի հաղորդմամբ՝ մեծ է լարվածությունը թիմի հանդերձարանում, իսկ մայիսի 12-ին կայացած մարզումն անավարտ է մնացել 2 ֆուտբոլիստի ծեծկռտուքի պատճառով: 

Տհաճ միջադեպը դադարեցվել է մանչեսթերյան ակումբի մյուս խաղացողների և գլխավոր մարզիչ Ռալֆ Ռանգնիկի միջամտությամբ:

Աղբյուրը չի հայտում այդ ֆուտբոլիստների անունները, սակայն նշում է, որ ակումբում շատ խիստ են արձագանքել նրանց պահվածքին:

Հիշեցնենք, որ մրցաշրջանի ավարտից հետո «Մանչեսթեր Յունայթեդի» ղեկն ստանձնելու է Էրիկ տեն Հագը: