Վահան Բիչախչյանը գոլի հեղինակ է դարձել լեհական «Պոգոնի» կազմում անցկացրած երկրորդ անընդմեջ խաղում։

Նոր մրցաշրջանին պատրաստվող նրա թիմը երկրորդ ստուգողական հանդիպումն է անցկացրել թուրքական Բելեկում նախապատրաստական հավաքի շրջանակում և 3։1 հաշվով հաղթել է Ուկրաինայի Լուգանսկ քաղաքի «Զարյա» թիմին։ Խաղի հաշիվը 15-րդ րոպեին բացել է հայ կիսապաշտպանը։ Այդ հանդիպման երկու խաղակեսերը «Պոգոնն» անցկացրել է տարբեր կազմերով։ Բիչախչյանը մասնակցել է միայն առաջին կեսին։

Ավելի վաղ լեհական ակումբը ոչ-ոքի էր խաղացել շվեյցարական «Ցյուրիխի» հետ (1։1), և Բիչախչյանը դարձյալ աչքի էր ընկել դարպասի գրավումով։