«Վալենսիայի» երկրպագուները Իսպանիայի գավաթի խաղարկության կիսաեզրափակիչում սեփական հարկի տակ «Բարսելոնայից» պարտություն կրելուց և հետագա պայքարից դուրս մնալուց հետո, հարձակում են գործել կատալոնական ակումբի ֆուտբոլիստներին տեղափոխող ավտոբուսի վրա:
«Բարսելոնան» պատասխան խաղում էլ հաղթեց «Վալենսիային» և դուրս եկավ եզրափակիչ (տեսանյութ)
Խաղացողները օդանավակայան էին մեկնում, երբ «չղջիկների» երկրպագուները սկսել են քարեր շպրտել ավտոբուսի վրա՝ կոտրելով ապակիները: Բարեբախտաբար, ոչ ոք չի տուժել հարձակման արդյունքում:
Բացի այդ, «Վալենսիայի» երկրպագուները վիրավորական բացականչություններ են ասել «Բարսելոնայի», Ժերար Պիկեի հասցեին, ինչպես նաև վիրավորել են Սամուել Ումտիտիին նրա մաշկի գույնի համար:
Արդյունքում, տեղի ոստիկանությունը ստիպված է եղել ուղեկցել ավտոբուսը մինչև օդանավակայան:
