«Մանչեսթեր Յունայթեդի» կիսապաշտպան Դոնի վան դե Բեկը լուսանկար է հրապարակել թիմի մարզումից:
Մանկունիանցիների ֆուտբոլիստները խմբերի են բաժանվել ու մի քանի երկկողմանի հանդիպում անցկացրել միմյանց միջև:
Նիդեռլանդցու թիմում հայտնվել են Թոմ Հիթոնը, Պոլ Պոգբան, Կրիշտիանու Ռոնալդուն, Ֆիլ Ջոնսը, Մարկուս Ռեշֆորդն ու Լյուկ Շոուն:
«Հաղթող թիմը».- նկարին կից գրել է Վան դե Բեկը:
Մանչեսթերյան թիմի վինգեր Ջեյդոն Սանչոն «խայթող» գրառում է կատարել խաղընկերների լուսանկարի տակ:
«Քո առաջին հաղթանակը վերջին շրջանում, վայելի՛ր ընկերս»:
Հավելենք, որ ընթացիկ մրցաշրջանում «կարմիր սատանաների» կազմում Վան դե Բեկն անցկացրել է 14 հանդիպում (ընդամենը՝ 3-ը մեկնարկային կազմում)՝ դառնալով 1 գոլի հեղինակ:
