«Ռեալի» պաշտպան Ռաֆայել Վարանը կարող է հեռանալ Մադրիդից առաջիկա ամռանը:
Ինչպես տեղեկացնում է AS-ը, «Արքայական ակումբը» շահավետ առաջարկի դեպքում պատրաստ է բաց թողնել ֆրանսիացուն: Աղբյուրի փոխանցմամբ՝ Վարանի հետ էլ արդեն կապ են հաստատել 2 ակումբ՝ ՊՍԺ-ն և «Մանչեսթեր Յունայթեդը»: Նշվում է, որ Վարանը նախապատվությունը տալիս է «Յունայթեդին»՝ Պրեմիեր լիգան գերադասելով Ֆրանսիայի առաջնությունից:
27-ամյա պաշտպանի գործող պայմանագիրը «Ռեալի» հետ լրանալու է հաջորդ տարի: Եթե կողմերը չերկարաձգեն պայմանագիրը, Վարանը կհեռանա Մադրիդից հաջորդ տարի անվճար:
