Հայաստանի հավաքականի պաշտպան Վարազդատ Հարոյանը հայերեն պատասխանել է «Կադիսի» մամուլի ծառայության հարցերին:
«Ինձ արդեն շատ լավ եմ զգում, հարմարվել եմ թիմին: Ամեն ինչ լավ է, ինձ շատ լավ են ընդունել այստեղ, որի մասին արդեն խոսել եմ հարցազրույցներում:
Ամեն բան շատ լավ է՝ գերազանց եղանակ, լավ ֆուտբոլ և լավ մթնոլորտ»,- նշել է Հարոյանը:
Հավելենք՝ Վարազդատ Հարոյանն ամռանն է համալրել «Կադիսի» կազմը: 29-ամյա կենտրոնական պաշտպանը Լա լիգայի ընթացիկ մրցաշրջանում մասնակցել է 17 հանդիպման՝ դառնալով 1 գոլի հեղինակ: