Ինչպես արդեն հայտնել ենք, Տոկիոյում ընթացող Օլիմպիական խաղերում ազատ ոճային ըմբիշ Վազգեն Թևանյանը (65 կգ) մեկնարկային գոտեմարտում 0:6 հաշվով պարտվել է Ռուսաստանը ներկայացնող Գաջիմուրադ Ռաշիդովին։ Վերջինը կիսաեզրափակիչում պարտվել է ճապոնացի ըմբիշին, ինչի արդյունքում Վազգենը կորցրել է մեդալ նվաճելու հնարավորությունը:
Հայ ըմբիշը գրառում է կատարել իր ինստագրամյան էջում:
«Անքննելի են Աստծո ուղիները: Ամեն ինչ Աստծո կամոք է: Ոչ մի պարտություն չի կարող իմ մեջ կոտրել նպատակներիս հասնելու ձգտումը: Շնորհակալ եմ բոլորին»,- գրել է Թևանյանը:
Հայաստանի օլիմպիական հավաքականն ընդհանուր առմամբ նվաճեց 4 մեդալ՝ 2 արծաթե (Սիմոն Մարտիրոսյան ու Արթուր Ալեքսանյան) ու 2 բրոնզե (Արթուր Դավթյան ու Հովհաննես Բաչկով)։ Հայաստանի հավաքականն այս պահին մեդալային հաշվարկում 67-րդն է:
