Բասկետբոլի VBET Ա-լիգայի մամուլի ծառայությունը նոր վիճակագրություն է ներկայացրել լիգայից այլ երկրների ակումբներ տեղափոխված խաղացողների վերաբերյալ։
Այս անգամ այն վերաբերում է 2020/21 թվականների մրցաշրջանից հետո ակումբային գրանցումը փոխած բասկետբոլիստներին։
Ըստ այդմ՝ հաշվետու ժամանակաշրջանում հայկական ակումբներից 20 խաղացող տեղափոխվել է Մալդիվների, Սալվադորի, Իսլանդիայի, Պորտուգալիայի, Մեքսիկայի, Ավստրալիայի, Մալթայի, Ինդոնեզիայի, Լյուքսեմբուրգի, Մեծ Բրիտանիայի, ԱՄՆ-ի, Դանիայի, Ռումինիայի, Ղազախստանի և Կանադայի ակումբներ։
Ավելի վաղ VBET Ա-լիգան ներկայացրել էր 2018/19 և 2019/20 թվականների վիճակագրությունը, որի համաձայն՝ այդ մրցաշրջաններում հայկական ակումբներից 26 բասկետբոլիստ է համալրել 20 երկրի ակումբներ։