տուր
01 Հունվար 1970 - 12:11
VNews․am-ը ներկայացնում է VBET Հայաստանի Պրեմիեր լիգայի 16-րդ տուրի խորհրդանշական հավաքականի իր տարբերակը․
Դարպասապահ․ Արսեն Բեգլարյան («Ուրարտու»)
Պաշտպաններ․ Արման Հովհաննիսյան, Անտոն Բրատկով (2-ն էլ՝ «Փյունիկ»), Սալոմոն Նիրիսարիկե («Ուրարտու»), Հրայր Մկոյան («Արարատ»), Արգիշտի Պետրոսյան («Վան»)
Կիսապաշտպաններ․ Արտակ Գրիգորյան («Ալաշկերտ»), Միկիտա Տատարկով («Փյունիկ»), Իգոր Պադերին («Ուրարտու»), Անդրե Մենսալաո («Լոռի»)
Հարձակվող․ Ալեքսանդր Գլիշիչ («Ալաշկերտ»)
Տուրի լավագույն ֆուտբոլիստ՝ Սալոմոն Նիրիսարիկե («Ուրարտու»)
«Ուրարտուն» հույժ կարևոր հաղթանակ տոնեց «Արարատ-Արմենիայի» նկատմամբ: Թիմն այժմ 6-րդ հորիզոնականում է և լավագույն եռյակը եզրափակող չեմպիոնին զիջում է 3 միավորով, նրա համեմատ էլ մեկ խաղ պակաս է անցկացրել: Մրցավեճն անցավ համառ պայքարում, իրական գոլային պահ համարյա չկար, և մեծ էր հավանականությունը, որ միայն մեկ գոլ է գրանցվելու: Այդպես էլ եղավ: Իգոր Պադերինը գրավեց «Արարատ-Արմենիայի» դարպասը: «Ուրարտուն» աչքի ընկավ կազմակերպված թիմային պաշտպանությամբ: Այդուհանդերձ, բոլորի շարքում առանձնացավ թիմի նորեկ, կենտրոնական պաշտպան Սալոմոն Նիրիսարիկեն:
«Փյունիկի» նախկին պաշտպանը հանդիպման ամենաշատ մենապայքար հաղթած ֆուտբոլիստն է (15 մենապայքար, 93% հաղթանակ): Եվ կարևոր է, որ հիմնականում մրցակցում էր Ալեքսանդր Կարապետյանի պես հարձակվողի հետ: Վերջինիս, իհարկե, հաջողվեց 1-2 անգամ լարվածություն առաջացնել մրցակցի շարքերում, բայց՝ միայն այդքանը: Աչքի ընկավ գրագետ խաղով: Մեծապես օգնեց նաև կողքին գործող 17-ամյա պաշտպան Էրիկ Սիմոնյանին: «Ուրարտուի» համար շատ կարևոր էր Նիրիսարիկեի նման ելույթը, քանի որ նրա դիրքի խաղացողներ Դմիտրի Գուզը, Եվգենի Օսիպովը հեռացել էին թիմից, Աննան Մենսահը վնասվածք ուներ, Վադիմ Պարամոնովը ևս բացակայում էր:
VBET Հայաստանի Պրեմիեր լիգայի 16-րդ տուրը՝ 10 փաստով