VNews․am-ը ներկայացնում է VBET Հայաստանի Պրեմիեր լիգայի 24-րդ տուրի խորհրդանշական հավաքականի իր տարբերակը․
Դարպասապահ․ Արսեն Բեգլարյան («Ուրարտու»)
Պաշտպաններ․ Էդգար Գրիգորյան («Ուրարտու»), Անդրանիկ Ոսկանյան, Վահագն Այվազյան (2-ն էլ՝ «Վան»)
Կիսապաշտպաններ․ Ուգոչուկվու Իվու («Ուրարտու»), Էմանուելե Միրեկու («Վան»), Խոսե Էնրիկե Կարաբալյո («Փյունիկ»), Մաքսիմ Զադերակա («Արարատ»)
Հարձակվողներ․ Օլեգ Կոժուշկո («Փյունիկ»), Ուիլֆրեդ Կուասի Էզա («Վան»), Ալեքսանդր Կարապետյան («Արարատ-Արմենիա»)
Տուրի լավագույն ֆուտբոլիստ՝ Ուիլֆրեդ Կուասի Էզա («Վան»)
«Վանը» կայուն խաղով աչքի չի ընկնում, բայց առանձին հանդիպումներում հաճախ կարողանում է զարմացնել մրցակիցներին: Կոնստանտին Զայցևի գլխավորած թիմը գարնանային հատվածում 2 անգամ ոչ-ոքի էր խաղացել չեմպիոնության հավակնորդներից «Արարատի» հետ, ինչպես նաև 2 անգամ հաղթել գործող չեմպիոն «Արարատ-Արմենիային» (մեկը՝ գավաթում): Չարենցավանի թիմի հերթական «զոհն» «Ալաշկերտն» էր, որը հյուրընկալվելիս պարտվեց 1-3 հաշվով՝ մեկ պատասխան գոլ խփելով միայն մրցավեճի վերջնամասում: Հարձակվող Ուիլֆրեդ Էզան ընդամենը 11 րոպեում դուբլ ձևակերպեց՝ անհատական բարձր վարպետության արդյունքում գոլեր խփելով դժվարին դիրքերից:
«Վանն» առաջին կեսը բավականին ագրեսիվ անցկացրեց, որոշ հատվածներում նույնիսկ ավելի շատ էր տիրում գնդակին: Թիմերը փոխանակվեցին մի քանի վտանգավոր պահերով: Բայց ընդմիջումից հետո իրար հետևից խփած 3 գոլերը դաշտի տերերի համար հաղթելու գերազանց նախապայման ստեղծեցին: Էզան «Վանի»՝ առաջնությունում վերջին 6 խաղերում խփել է 4 գոլ, կատարել 1 արդյունավետ փոխանցում: Ընթացիկ առաջնությունում 8 գոլի հեղինակ է դարձել (2-ը՝ «Գանձասար-Կապանի» դեմ չեղարկված մրցավեճերում): Էզան «Ալաշկերտի» դեմ հանդիպմանն էլ կարող էր «ասիստ» ունենալ, եթե նրա հաշվենկատ փոխանցումից հետո Դեու Դոսան չհարվածեր դարպասաձողին: Հիանալի հանդես եկավ նաև Էմանուելե Միրեկուն՝ կատարելով մեծ աշխատանք, գրանցելով 2 գոլային փոխանցում:
VBET Հայաստանի Պրեմիեր լիգայի 24-րդ տուրը՝ 10 փաստով
