Գերմանիայի հավաքականի ու «Չելսիի» հարձակվող Տիմո Վերները դժգոհ է ակումբում իր կարգավիճակից, ու եթե այն չփոխվի, ֆուտբոլիստը կդիմի թիմի ղեկավարությանը՝ իրեն գալիք ամռանը տրանսֆերի հանելու խնդրանքով՝ հաղորդում է The Telegraph-ը:
Ֆուտբոլիստի դժգոհությունը գագաթնակետին է հասել «Յուվենտուսի» դեմ Չեմպիոնների լիգայի շրջանակում կայացած հանդիպմանը, որում լոնդոնյան ակումբը զիջեց նվազագույն հաշվով: «Ազնվականների» գլխավոր մարզիչ Թոմաս Տուխելն օգտագործեց հնարավոր 5 փոփոխությունները, սակայն Վերները, այնուամենայնիվ, մնաց պահեստայինների նստարանին:
Լուկակուի ժամանումից ի վեր՝ Վերները պարտվում է մրցակցությունը բելգիացուն:
Հիշեցնենք, որ Տիմո Վերները «Չելսիի» ֆուտբոլիստ է դարձել 2020 թվականի հուլիսին: Լոնդոնյան ակումբը նրա տրանսֆերի համար 53 մլն եվրո է վճարել «Լայպցիգին»:
Նախորդ մրցաշրջանում Վերները «Չելսիի» կազմում մասնակցել է 52 խաղի՝ դառնալով 12 գոլի և 15 գոլային փոխանցման հեղինակ: