«Լիվերպուլի» կենտրոնական կիսապաշտպան Ջորջինյո Վեյնալդումը, որի պայմանագրի ժամկետը թիմի հետ լրանում է հունիսի 30-ին, առաջիկա օրերին կարող է դառնալ «Բարսելոնայի» ֆուտբոլիստ՝ հաղորդում է Ֆաբրիցիո Ռոմանոն՝ հղում կատարելով Sky Sports-ի լրագրող Մատեո Մորետոյին:
Ըստ աղբյուրի՝ եթե ամեն ինչ ընթանա ըստ ծրագրի, «Բարսելոնան» իր բժշկական անձնակազմին կուղարկի Նիդեռլանդների հավաքականի ճամբար, որտեղ ավարտին կհասցվի ֆուտբոլիստի բուժզննումը:
Դրան հաջորդող օրերին Վեյնալդումը պայմանագիր կկնքի «Բարսելոնայի» հետ, որի ժամկետը կգործի մինչև 2024 թվականի ամառ:
