«Լիվերպուլի» կենտրոնական կիսապաշտպան Ջորջինյո Վեյնալդումը, որի պայմանագրի ժամկետը մերսիսայդյան ակումբի հետ լրանում է հունիսի 30-ին, որոշում է կայացրել իր ապագայի վերաբերյալ:
Ֆաբրիցիո Ռոմանոն հաղորդում է, որ Վեյնալդումը որոշել է միանալ ոչ թե «Բարսելոնային», որը հավակնորդ էր ֆուտբոլիստի տրանսֆերային պայքարում, այլ ՊՍԺ-ին:
Լրագրողը նշում է, որ 2 շաբաթ է՝ Վեյնալդումի ու կատալոնական ակումբի պայմանագիրը պատրաստ է, բուժզննումը՝ պլանավորված: Այժմ «Բարսելոնան» չի պատրաստվում ավելի շահավետ առաջարկ կատարել ֆուտբոլիստին, որն ընդունել է ֆրանսիական ակումբի առաջարկը:
«Բարսելոնայի» առաջարկի համեմատ՝ ՊՍԺ-ն գրեթե կրկնակի ավելի աշխատավարձ է առաջարկել Վեյնալդումին:
