«Ինտերի» կիսապաշտպան Արտուրո Վիդալի՝ Միլանում գտնվող վիլան թալանել են։
Դեպքը տեղի է ունեցել նոյեմբերի 7-ին՝ «Ինտեր» – «Միլան» (1-1) խաղի ժամանակ, սակայն միջադեպի մասին միայն այսօր է հայտնի դարձել։
Հանցագործները ոսկի, թանկարժեք իրեր են գողացել ու 400 հազար եվրո արժողությամբ Mercedes Brabus Amg G700 ամենագնացը։ Այդ մեքենայից բացի, բակում կանգնեցված է եղել նաև Ferrari 448 Spider, Volvo XC90, և այլ մեքենաներ։
Գողերն ի սկզբանե ցանկացել են Ferrari-ն գողանալ, սակայն դա նրանց չի հաջողվել, այդ իսկ պատճառով էլ ընտրությունը կանգ է առել ամենագնաց Mercedes-ի վրա։
