«Արսենալի» հարձակողական ոճի կիսապաշտպան Վիլիանը շատ մոտ է «Կորինտիանս» տեղափոխվելուն: Այդ մասին իր թվիթերյան էջում գրել է հեղինակավոր լրագրող Նիկոլո Սկիրան:
Ըստ աղբյուրի՝ խաղացողը բրազիլական ակումբի հետ արդեն համաձայնացրել է մինչև 2023 թվականը գործող պայմանագիր, և կողմերը ներկայումս բանակցում են գործարքի վերջին պայմանների շուրջ:
Ավելի վաղ տեղեկություններ էին տարածվել այն մասին, որ «Արսենալը» պատրաստ է անվճար բաց թողնել ֆուտբոլիստին, որպեսզի տնտեսի նրա աշխատավարձի հարցում: Գլխավոր մարզիչ Միկել Արտետան ևս հաստատել էր այն, որ Վիլիանն ու նրա գործակալը կարիերայի շարունակության տարբերակներ են փնտրում: Բրազիլացին նախորդ մրցաշրջանում «զինագործների» կազմում բոլոր մրցաշարերի հաշվարկով մասնակցել է 37 խաղի, դարձել 1 գոլի և 7 արդյունավետ փոխանցման հեղինակ:
Ընդգծենք, որ Վիլիանը «Կորինտիանսի» սան է ու այդ ակումբի գլխավոր թիմում ելույթ է ունեցել 2005-2007թթ․: Բրազիլացին նաև խաղացել է Դոնեցկի «Շախտյորում», Մախաչկալայի «Անժիում» և Լոնդոնի «Չելսիում»:
«Արսենալի» լեգենդն ակումբը գլխավորելու պատրաստակամություն է հայտնել