Այսօր երեկոյան՝ ժամը 23:45-ին, Իսպանիայի Լա Լիգայի 17-րդ տուրի կենտրոնական մրցավեճում «Վիլյառեալը» հյուրընկալելու է «Բարսելոնային»:
Կատալոնական Mundo Deportivo և Sport պարբերականները ներկայացրել են թիմերի մեկնարկային կազմերի իրենց հավանական տարբերակները: Եթե «Վիլյառեալի» կազմի վերաբերյալ 2-ն էլ նույն կանխատեսումն ունեն, ապա կատալոնական թիմի մեկնարկային կազմի առումով նրանք ունեն հակառակ կանխատեսումներ:
Մասնավորապես, Mundo Deportivo-ի փորձագետները կարծում են, որ Լուիս Էնրիկեն պահեստայինների նստարանին կթողնի Անդրես Ինիեստային՝ խաղադաշտ դուրս բերելով Դենիս Սուարեսին: Իսկ թե ում նա կընտրի Անդրե Գոմեշ-Ռաֆինյա զույգից, պարբերականը չի կողմնորոշվել:
Ինչ վերաբերում է Sport-ին, ապա, ըստ այս լրատվամիջոցի, Ինիեստան կլինի մեկնարկային կազմում, իսկ նրա հետ կիսապաշտպանությունում կգործեն Սերխիո Բուսկետսն ու Դենիս Սուարեսը: Խաղային մնացած դիրքերում 2-ի տարբերակները համընկել են:
