Մադրիդի «Ռեալի» բրազիլացի վինգեր Վինիսիուս Ժունիորը նշել է, որ իր թիմակից Կարիմ Բենզեման արժանի է ստանալ «Ոսկե գնդակը» մրցաշրջանի ավարտից հետո:
«Ինչ կարող եմ ասել Կարիմ Բենզեմայի մասին. նա հիանալի խաղացող է, ես նրան համարում եմ իմ եղբայրը։ Հուսանք՝ կնվաճենք Լա լիգայի չեմպիոնական տիտղոսը և Չեմպիոնների լիգայի գավաթը, իսկ մրցաշրջանի ավարտից հետո Կարիմը կստանա «Ոսկե գնդակը»,- բրազիլացի ֆուտբոլիստի խոսքն է մեջբերում ESPN-ը։
Հիշեցնենք՝ Չեմպիոնների լիգայի կիսաեզրափակիչի՝ «Մանչեսթեր Սիթիի» դեմ առաջին խաղում (3:4) Կարիմ Բենզեման դուբլի հեղինակ է դարձել՝ մրցաշարի ընթացիկ խաղարկության լավագույն ռմբարկուների պայքարում բարձրանալով առաջին տեղ (14 գոլ):
Բենզեման ընթացիկ մրցաշրջանում բոլոր մրցաշարերում անցկացրել է 41 հանդիպում, դարձել 41 գոլի և 13 ասիստի հեղինակ:
