Համահայկական խաղերի համաշխարհային կոմիտեն տեղեկացնում է, որ կազմակերպության նախագահ Իշխան Զաքարյանը հանդիպել է ՀԽՀԿ-ի գործկոմի անդամ Վան Բայբուրթին (Վրաստան)։
Հանդիպման ընթացքում քննարկվել են հաջորդ տարվա օգոստոսին նախատեսված Համահայկական ամառային 8-րդ խաղերի կազմակերպմանն ու անցկացմանը, ինչպես նաև մրցումներին Վրաստանի հայաշատ քաղաքների ներկայացուցիչների մասնակցությանն առնչվող հարցեր։
Նախնական պայմանավորվածություն է ձեռք բերվել Խաղերին մեծ թվով վիրահայ երիտասարդների մասնակցության վերաբերյալ։ ՀԽՀԿ-ի նախագահը հաջորդ այցը կատարելու է միջինասիական երկրներ։