տուր
01 Հունվար 1970 - 13:09
- Մադրիդի «Ռեալի» եզրային հարձակվող Վինիսիուս Ժունիորը վերջին 5 խաղերում գրեթե 30 րոպե խաղաժամանակ է ստացել։
AS պարբերականը վստահեցնում է, որ գլխավոր մարզիչ Զինեդին Զիդանը բրազիլացուն պատժում է իր նկատմամբ անհարգալից վերաբերմունքի պատճառով։ Ֆրանսիացին ու 20-ամյա ֆուտբոլիստը միշտ լավ հարաբերություններ են ունեցել, սակայն ամեն ինչ փոխվել է օգոստոսի 7-ին ՝ «Մանչեսթեր Սիթիի» դեմ Չեմպիոնների լիգայի 1/8 եզրափակչի պատասխան խաղի օրը։
Հանդիպումից առաջ Վինիսիուսը լավ մարզավիճակում է եղել, սակայն ֆրանսիացի մասնագետը որոշել է մեկնարկային կազմում ընդգրկել Էդեն Ազարին, ով լիովին պատրաստ չի եղել խաղին։ Մեկնարկային կազմը լսելուց հետո Զիդանը ճառ է ասել, սակայն վիրավորված Վինիսիուսը հրապարակայնորեն վերցրել է իր հեռախոսը և սկսել էկրանին նայել։ Դա չի վրիպել 48-ամյա մասնագետի ուշադրությունից։ Նա նկատողություն է արել երիտասարդ խաղացողին։
Լա լիգայի ընթացիկ առաջնության 15 խաղում վինգերը 2 գոլ է խփել ու 1 գոլային փոխանցում կատարել։
