Logo

Վիրուսային վարակի պատճառով Նիդերլանդների հավաքականի ճամբարից հեռացել է 5 ֆուտբոլիստ

14:06 / 23.03.2023ՍՊՈՐՏ
null

Ֆուտբոլի Նիդերլանդների հավաքականում վիրուսային վարակի բռնկում է եղել, ինչի պատճառով 5 ֆուտբոլիստներ հեռացել են ազգային թիմի ճամբարից, հայտնում է այդ երկրի ֆուտբոլի ֆեդերացիայի մամուլի ծառայությունը:

Հավաքականի ճամբարից հեռացել են դարպասապահ Բարտ Վերբրյուգենը («Անդերլեխտ»), պաշտպաններ Մաթեյս դե Լիխտը («Բավարիա»), Սվեն Բոթմանը («Նյուքասլ»), կիսապաշտպան Ջոուի Վերմանը («ՊՍՎ Էյնդհովենը») և հարձակվող Կոդի Գակպոն («Լիվերպուլ»):

Նրանց փոխարեն ազգային թիմ են հրավիրվել դարպասապահ Կյել Սխերպենը («Վիտես»), պաշտպան Ստեֆան դե Վրեյը («Ինտեր») և կիսապաշտպան Ռայան Գրավենբերխը («Բավարիա»):

Հիշեցնենք, որ Ռոնալդ Կումանի գլխավորած թիմը մարտի 24-ին Եվրո-2024-ի ընտրական փուլի առաջին տուրում կհյուրընկալվի Ֆրանսիայի հավաքականին, իսկ երեք օր անց կընդունի Ջիբրալթարի թիմին:

Մեզ կարող եք հետևել նաև Telegram-ում

Հարցում

Աղյուսակներ

Հայաստան, Պրեմիեր Լիգա