«Զանգակ» հրատարակչության «Ոչ մի շաբաթ առանց բանաստեղծության» խորագրով առաջին ժողովածուն լույս տեսավ անցյալ տարի: Գաղափարը և ձևաչափը հետաքրքրեց բոլորին. օրագիր-ժողովածու, ամեն շաբաթվա համար առանձին բանաստեղծությամբ և նշումներ անելու էջերով:
«Ոչ մի շաբաթ առանց բանաստեղծության-2017»-ում ներկայացված է անկախության շրջանի 52 բանաստեղծի մեկական ստեղծագործություն. այդքան է տարվա շաբաթների քանակը:
Իսկ ահա 2018 թ. ընտրանի–օրագիրը ժամանակագրորեն ավելի լայն գրական շրջափուլ է ընդգրկում: «Ոչ մի շաբաթ առանց բանաստեղծության-2017»-ի ամենից վաղ թվագրվող բանաստեղծությունը Սմբատ Շահազիզի «Երազն» է (1864 թ.), իսկ ժամանակագրորեն վերջինը` Վահագն Աթաբեկյանի «Voca Me»–ն (2017 թ.):
Շնորհանդեսը տեղի կունենա նոյեմբերի 26-ին՝ Yerevan Book Fest-ի շրջանակներում ՀՀ ԱԳՆ նախկին շենքում՝ Հանրապետությ
Շնորհանդեսի ընթացքում նախատեսվում են հանդիպում ժամանակակից հայ բանաստեղծների հետ և գրական ընթերցումներ:
Ընտրանու կազմողը և խմբագիրը Հայկ Համբարձումյանն է: