«Հոֆենհայմի» նախկին գլխավոր տնօրեն Էրնստ Տաները պատմել է բրազիլացի հարձակվող Ռոբերտո Ֆիրմինոյի հետ աշխատանքի մասին: «Լիվերպուլի» ներկայիս ֆուտբոլիստը գերմանական ակումբում հանդես է եկել 2011-2015թթ․:
«Շատ դժվար էր Ռոբերտոյին բրազիլական «Ֆիգեյրենսեում» հետևելը, այդ երկրում ակումբները շատ խաղեր են անցկացնում, հետևաբար՝ քաղաքից քաղաք շատ ուղևորություններ են հարկավոր: Սակայն մենք կարողացանք մարզմանը ներկա գտնվել որպես զբոսաշրջիկներ, որպեսզի գնահատեինք նրա որակները: Ես անմիջապես ասացի, որ Ֆիրմինոն մեզ անհրաժեշտ խաղացող է, և մենք սկաուտի ուղարկեցինք, որպեսզի հետևի նրա ելույթներին, սակայն ներկայացված զեկույցը բացասական էր։ Միայն տեսնեիք մեր՝ Ռոբերտոյի մասին կազմած տվյալներն այն ժամանակ, երբ նա նոր էր հայտնվել ակումբում:
Գերմանիայում անցկացվում են դիմացկունության դաժան, բայց ճշգրիտ թեստեր, և Ֆիրմինոն ուներ վատագույն արդյունքները բոլոր այն պրոֆեսիոնալ ֆուտբոլիստների շրջանում, որոնց երբևէ տեսել եմ: Նույնիսկ տատիկիս արդյունքներն ավելի լավը կլինեին: Ոչ ոք չէր հավատում, որ նա կկարողանար ֆուտբոլ խաղալ»,- Տաների խոսքերը մեջբերում է Bleacher Report-ը:
Ֆիրմինոն «Հոֆենհայմում» անցկացրած 5 մրցաշրջանից հետո 41 մլն եվրոյի դիմաց տեղափոխվել է «Լիվերպուլ» ու դարձել թիմի առաջատարներից մեկը՝ նախորդ մրցաշրջանում հաղթելով Չեմպիոնների լիգայի գավաթի խաղարկությունում:
Կլոպ. «Ֆիրմինոն խփած գոլերով չէ, որ կարևոր է «Լիվերպուլի» համար»
