«Բավարիայի» հարձակվող Թոմաս Մյուլերը խոսել է մյունխենյան ակումբի հասցեին հնչող քննադատությունների մասին, ըստ որոնց՝ ակումբը տրանսֆերային շուկայում անարդարացի է աշխատում:
«Բավարիան» թուլացնում է մրցակիցներին՝ նրանց առաջատարներին ձեռք բերելո՞վ… Ոչ ոք չի ստիպում այդ ակումբներին, որ վաճառեն իրենց խաղացողներին: Նայեք ՊՍԺ-ին ու Մբապեին:
Մենք, ինչպես յուրաքանչյուր թիմ, ցանկանում ենք ուժեղացնել մեր խաղը, բարելավել մեր որակները՝ գործելով այնպես, ինչպես կարող ենք մեզ թույլ տալ այս բյուջեով:
Միշտ էլ եղել են տրանսֆերներ, որոնք բուռն քննարկվել են, ու դա լավ է»,- Bild-ը մեջբերում է Մյուլերի խոսքը:
