Ողբերգական դեպք է տեղի ունեցել իտալական ֆուտբոլում:
«Լացիոյի» ֆուտբոլիստ Դանիել Գերինին ավտովթարի է ենթարկվել ու մահացել: Գերինին իր երկու ընկերների հետ է եղել, երբ Հռոմի փողոցներից մեկում բախվել է մեկ այլ ավտոմեքենայի: Ֆուտբոլիստի 2 ընկերները և մյուս մեքենայի վարորդը հոսպիտալացվել են: 19-ամյա ֆուտբոլիստը խաղում էր «Լացիոյի» երիտասարդական թիմում:
«Շատ ենք ցավում այս դաժան լուրն իմանալուց հետո: Ակումբի նախագահն ու բոլոր աշխատակիցները գրկում են Դանիել Գերինիի ընտանիքի անդամներին», – գրել է ակումբի թվիթերյան էջը:
