«Լիվերպուլի», Մադրիդի «Ռեալի» և «Բավարիայի» նախկին կիսապաշտպան Խաբի Ալոնսոն ընդգծել է, որ ապագայում ցանկանում է դառնալ «Ռեալ Սոսյեդադի» գլխավոր մարզիչը:
Իսպանացի նախկին ֆուտբոլիստը կարիերայի նախնական փուլում հանդես է եկել հենց բասկյան ակումբում՝ 1999-2004թթ.:
«Եթե մի օր սկսեմ զբաղվել մարզչական գործունեությամբ, ապա կցանկանամ վերադառնալ «Ռեալ Սոսյեդադ»: Ակումբին կփորձեմ առավելագույն օգուտ բերել, ինչպես և արել եմ մարզական կարիերայիս ժամանակ: Բայց առայժմ վերջնական որոշում չեմ ընդունել, թե ինչով եմ զբաղվելու ապագայում»,- Ալոնսոյի խոսքերը մեջբերում է Cadena SER-ը:
Ալոնսոն ավելի վաղ նաև խոստովանել էր, որ դեմ չէր լինի մարզչական գործունեությամբ զբաղվել իր նախկին թիմերից մյուսում՝ «Լիվերպուլում»:
