«Ռեալի»՝ Լա լիգայի չեմպիոն հռչակվելուց հետո հայտնի դարձան Իսպանիայի սուպերգավաթի մասնակիցները:
Իսպանիայի սուպերգավաթը կրկին անցկացվելու է Սաուդյան Արաբիայում՝ նոր ձևաչափով, որին մասնակցելու է 4 թիմ, ու կիսաեզրափակիչներում հաղթողները դուրս են գալու եզրափակիչ: Իսպանիայի՝ 2020/21 սուպերգավաթի խաղարկության մասնակիցներն են «Ռեալը»՝ որպես երկրի չեմպիոն, «Բարսելոնան»՝ որպես փոխչեմպիոն, «Ռեալ Սոսյեդադն» ու «Ատլետիկ Բիլբաոն» էլ՝ որպես Իսպանիայի գավաթի եզրափակիչի մասնակիցներ, որի անցկացման ժամկետը դեռևս հայտնի չէ:
Հիշեցնենք, որ Իսպանիայի սուպերգավաթի վերջին խաղարկությունում հաղթեց «Ռեալը»՝ եզրափակիչում գերազանցելով «Ատլետիկոյին»: