Տեղի է ունեցել խճուղային հեծանվավազքի տարիքային տարբեր խմբերի Հայաստանի առաջնությունը։
Ստուգատեսին հատկապես հաջող են մասնակցել Երևանի օլիմպիական հերթափոխի պետական մարզական քոլեջի սաները։ Մասնավորապես, մեծահասակների հաշվարկում երեք մրցաձևերում վերջնագիծն առաջինն է հատել ու երկրի չեմպիոն է հռչակվել Ստեփան Գրիգորյանը։
Երիտասարդների պայքարում Վահե Վիրաբյանը նվաճել է 1-ական ոսկե, արծաթե և բրոնզե մեդալ։ Իսկ պատանիների հաշվարկում երկու մրցատարածությունում հաղթել է Նարեկ Դավթյանը, մեկում՝ Արթուր Վարելջյանը։
Կանանց պայքարում 1-ական ոսկե, արծաթե ու բրոնզե պարգևի է արժանացել Սվետլանա Մկրտչյանը՝ տեղեկացնում է ԵՕՀՊՄՔ-ն։