«Լիվերպուլի» կիսապաշտպան Ջորջինյո Վեյնալդումը շատ մոտ է ՊՍԺ-ի ֆուտբոլիստ դառնալուն:
Հոլանդական De Telegraaf-ին հայտնի է դարձել, թե որքան գումար է 30-ամյա ֆուտբոլիստը ստանալու Փարիզում: Հոլանդացին տարեկան ստանալու է «մաքուր» (հարկերը վճարելուց հետո) 10 մլն եվրո:
Ֆուտբոլիստը ցանկանում է 3 տարվա ժամկետով պայմանագիրը ստորագրել մինչև ԵՎՐՈ-2020-ի մեկնարկը: Նա ազատ գործակալի կարգավիճակով է միանալու ֆրանսիական ակումբին:
Վեյնալդումը նաև առաջարկ ուներ «Բարսելոնայից», որը պատրաստ էր տարեկան վճարել «մաքուր» 4 մլն եվրո: ՊՍԺ-ի միջամտությունից հետո կատալոնացիները հրաժարվել են բարձրացնել իրենց առաջարկած գումարը: