«Չելսիի» գլխավոր մարզիչ Թոմաս Տուխելը 200 միլիոն եվրո կստանա տրանսֆերների համար՝ հայտնում է The Telegraph-ը։
Աղբյուրի համաձայն՝ այս գումարը պատրաստ է հատկացնել Թոդ Բոելիի կոնսորցիումը, որը ձեռք կբերի լոնդոնյան ակումբը:
Բրիտանական աղբյուրը հավելում է, որ ակումբը, ամենայն հավանականությամբ, միջոցների մեծ մասը կծախսի՝ պաշտպանությունն ուժեղացնելու համար, քանի որ ամռանը թիմը կլքեն Անտոնիո Ռյուդիգերը, Անդրեաս Քրիստենսենը և Սեզար Ասպիլիկուետան։