Մադրիդի «Ռեալի» նախագահ Ֆլորենտինո Պերեսը հնարավորություն է ունեցել գնել ձայնագրությունները, որոնք հուլիսի 13-ին հրապարակվել են El Confidencial-ի եթերում:
Այդ ձայնագրություններում Պերեսը քննադատել է «Ռեալի» նախկին ֆուտբոլիստներ Ռաուլ Գոնսալեսին, Իկեր Կասիլյասին, Կրիշտիանու Ռոնալդուին, ինչպես նաև մարզիչներ Վիսենտե դել Բոսկեին և Ժոզե Մոուրինյուին:
Onda Cero-ն տեղեկացնում է, որ Պերեսի խոսքերը ձայնագրած Խոսե Անտոնիո Աբելանը 2011 թվականին 10 մլն եվրո է պահանջել, որպեսզի ոչնչացնի բոլոր ֆայլերը: Նա մադրիդյան ռեստորաններից մեկում հանդիպել է Պերեսի ներկայացուցիչ՝ «Ռեալի» փոխնախագահ Էդուարդո Ֆերնանդես դե Բլասի հետ և ներկայացրել իր պահանջները: Պերեսը հրաժարվել է այդ գործարքից:
Ձայնագրությունների հրապարակումից հետո նա հայտարարել է, որ իր խոսքերը հանվել են ենթատեքստից:
Պերեսի սկանդալային ձայնագրության նոր մանրամասներ