ՈՒԵՖԱ-ն հերքել է բրիտանական մամուլում տարածված լուրերն այն մասին, թե եվրագավաթների որակավորման փուլերը կարող են կրճատվել, հաղորդում է TACC-ը:
Մասնավորապես, The Times-ը գրել էր, թե քննարկվում է երկու տարբերակ՝ որակավորման փուլերն անցկացնել մեկ խաղով կամ կրճատել փուլերը և անցկացնել միայն բարձր վարկանիշով լիգաների միջև՝ մյուս ակումբներին հատկացնելով փոխհատուցում:
«ՈՒԵՖԱ-ն երբեք չի դիտարկել տարբերակ, որի դեպքում երկրների առաջնությունների հաղթողները կզրկվեն իրենց իրավունքից՝ խաղադաշտում պայքարելու Չեմպիոնների լիգայի խմբային փուլ հասնելու համար: ՈՒԵՖԱ-ն այս պահին հետևում է իրավիճակի զարգացմանը և հնարավոր ազդեցություններին՝ հաջորդ մրցաշրջանի եվրագավաթների որակավորման փուլերին: Այս պահին որակավորման փուլի ոչ մի հստակ տարբերակ մշակված չէ»,-հայտարարել է ՈՒԵՖԱ-ն:
