Logo

ՈՒԵՖԱ-ն հրաժարվել է «Ռեալի», «Բարսելոնայի» ու «Յուվենտուսի» դեմ պահանջներից

Հեղինակ
Գևորգ Մովսիսյան
00:00 / 28.09.2021ՍՊՈՐՏ
Associated Press - ՈՒԵՖԱ-ն հրաժարվել է «Ռեալի», «Բարսելոնայի» ու «Յուվենտուսի» դեմ պահանջներից

ՈՒԵՖԱ-ն հաստատել է, որ կազմակերպությունն այլևս պահանջներ չունի «Ռեալից», «Բարսելոնայից» ու «Յուվենտուսից»՝ հաղորդում է Associated Press-ը:

Հիշեցնենք, որ թիմերի նկատմամբ կարգապահական գործ էր սկսվել մայիսի վերջից՝ պայմանավորված Սուպերլիգա նախագծի ստեղծմամբ,, որը, ըստ ՈՒԵՖԱ-ի, խախտում էր կազմակերպության կանոնակարգի մի քանի դրույթներ:

«Կազմակերպության բողոքարկման մարմինը դատավարություններն անվավեր է ճանաչել այնպես, կարծես դրանք երբեք չեն էլ եղել»,- այսպես է մեկնաբանել Associated Press-ն ՈՒԵՖԱ-ի մամուլի հաղորդագրությունը:

Միևնույն ժամանակ չի բացառվում, որ կազմակերպությունը հետագայում կարող է վերսկսել գործընթացը:

Ավելի վաղ Մադրիդի դատարանը որոշել էր, որ ՈՒԵՖԱ-ն չի կարող խոչընդոտել ակումբներին Սուպերլիգայի ստեղծման հարցում, ինչպես նաև կազմակերպությանը պարտավորեցրել էր հանել մասնակից ակումբների նկատմամբ սահմանված և հնարավոր բոլոր պատժամիջոցները:

Միացի՛ր հայկական ամենասպորտային Instagram-ին:


Մեզ կարող եք հետևել նաև Telegram-ում

Հարցում

Աղյուսակներ

Հայաստան, Պրեմիեր Լիգա