- Երբ մարդիկ դադարում են հավատալ Աստծուն, չի նշանակում, որ նրանք ոչ մի բանի չեն հավատում՝ նրանք հավատում են ամեն ինչի:
- Մարդիկ բաժանվում են չորս տեսակի՝ ապուշներ, տկարամիտներ, հիմարներ և խելագարներ: Նորմալությունը այդ չորս տեսակների հավասարակշռված խառնուրդն է:
- Երբեք մի՛ պնդեք, միշտ ակնարկեք.ակնարկները ստեղծված են, որպեսզի ստուգեն հոգին և ուսումնասիրեն սիրտը:
- Մենք միշտ վերափոխում ենք պատմությունը: Մեր հիշողությունն անցյալի ինչպես նաև ապագայի հեռանկարի մեկնաբանական վերակառուցումն է:
- Ողջ մնալու համար դու պետք է պատմություններ պատմես:
- Գրքերը ստեղծված չեն, որ մարդիկ հավատան դրանց ճշմարտացիությանը, այլ որ ենթարկվեն հարցման: Երբ մենք քննարկում ենք այս կամ այն գիրքը, մենք չպետք է ինքներս մեզ հարցնենք, թե այն ինչ է ասում, մենք պետք է հարցնենք, թե այն ինչ է նշանակում:
- Մենք ինտերնետի խնդիր ունենք, քանի որ այն մեզ տալիս է ինչպես հուսալի, այնպես էլ անհավատալի տեղեկություն: Մեր խնդիրն այդ ինֆորմացիան տարանջատելու մեջ է:
- Պոեզիան զգացմունքների մասին չէ, այն լեզվի մասին է: Այդ լեզուն է զգացմունքներ ծնում:
- Մենք սահման ունենք, շատ հուսահատեցնող, նվաստացնող սահման՝ մահը: Գուցե դա է պատճառը, որ մենք սիրում ենք այն ամենն, ինչը ենթադրում ենք, որ չունի սահման և հետևաբար՝ վերջ: Այդ միջոցով մենք խուսափում ենք մահվան մասին մտքերից: Մենք սիրում ենք այդ մտքերից կազմված երկար ցուցակները, քանի որ չենք ցանկանում մեռնել:
- Ես կորած սերնդի ներկայացուցիչ եմ և ինձ լավ եմ զգում իմ նման կորածների և միայնակների շրջապատում:
- Համաշխարհային մշակույթը միայն մեկ բան է կամենում. նա ցանկանում է անսահմանությունը հասանելի դարձնել:
- Խաբելու ունակությունն այն հազվագյուտ կարողություններից է, որը տարանջատում է մարդկանց կենդանիներից:
- Կարևոր չէ, թե ինչ կերպար կհորինես՝ այսպես թե այնպես այն ծնվելու է քո փորձից և քո հիշողություններից:
- Ես չեմ գրում, եթե ասելիք չունեմ:
- Ես սիրում եմ գրքի թանաքի հոտն առավոտյան:
- Ես կարծում եմ, որ լավ գիրքն իր հեղինակից էլ խելացի է, քանի որ այն կարող է պատմել այն ամենի մասին, ինչի մասին հեղինակը գլխի չի ընկնում:
- Ես չեմ կարոտում երիտասարդությունս: Ես ուրախ եմ, որ երիտասարդ եմ եղել, բայց ես չէի ուզենա ամեն ինչ նորից սկսել:
- Ի՞նչ է կյանքը, եթե ոչ վաղանցիկ երազի ստվեր:
- Ես կորցրել եմ սեփական կարծիք չունենալու ազատությունս:
- Երբ քո իրական թշնամիները չափազանց ուժեղ են, դու ստիպված ես լինում թույլ թշնամիներ ընտրել:
- Եթե ցանկանում ես օգտագործելով հեռուստատեսությունը մարդկանց ինչ-որ բան սովորեցնել, ամենից առաջ պետք է սովորեցնես նրանց դրանից ճիշտ օգտվել:
- Պարահրապարակում դու ընտրության ոչ մի հնարավորություն չունես՝ դու պետք է պարես:
- Ես սիրում եմ գեղարվեստական գրականություն գրելու գաղտնիությունը: Երբ վեպ եմ գրում, ոչ մեկին չեմ պատմում, թե ինչ եմ անում: Ես ապրում եմ իմ սեփական աշխարհում և գաղտնիք բացեմ՝ դա հզոր զգացողություն է:
Թարգմանությունը՝ VNews-ի
Կարդացեք նաև՝