«Բարսելոնայի» պաշտպան Սամուել Ումտիտին ամենայն հավանականությամբ կփոխի ակումբը ամառային տրանսֆերային պատուհանի ընթացքում։
Goal.com-ը, հղում կատարելով El Gol Digital-ին, տեղեկացնում է, որ ֆրանսիացի խաղացողի ծառայություններով հետաքրքրված են Պրեմիեր լիգան ներկայացնող երկու ակումբներ։ Այդ թիմերն են «Արսենալն» ու «Մանչեսթեր Յունայթեդը»։
Կատալոնական ակումբում մտադիր են վաճառել Ումտիտիի տրանսֆերը ու այդպիսով կարգավորել ակումբում առկա ֆինանսական ու իրավական բարդ իրավիճակը։ Մի շարք նոր խաղացողների տեղափոխությունից հետո «Բարսելոնան» խաղացողների գրանցման խնդիր ունի։
«Արսենալն» ու «Մանչեսթեր Յունայթեդը» ուրախ կլինեն պաշտպանության կենտրոնում Ումտիտիի պես խաղացող ունենալու համար։
