«Մանչեսթեր Յունայթեդը» ծրագրում է ձեռք բերել «Լայպցիգի» պաշտպան Դայո Ուպամեկանոյին, այս մասին տեղեկացնում է ESPN-ը։
«Կարմիր սատանաների» գլխավոր մարզիչ Ուլե Գունար Սուլշերը ցանկանում է ամրապնդել պաշտպանությունը։ Մասնագետը ցանկանում է համապատասխան զույգ ձեռք բերել ՄՅՈւ-ի ավագ Հարի Մագուայրի համար։
Այս ամռանը ֆրանսիացին թարմացրել էր պայմանագիրը «ցլերի» հետ։ 21-ամյա ֆուտբոլիստի նոր գործարքը ուժի մեջ կլինի մինչև 2023 թվականը։
Գերմանիայի ավարտված առաջնությունում Ուպամեկանոն մասնակցել է 28 հանդիպման ու կատարել մեկ գոլային փոխանցում։
