«Լայպցիգի» կենտրոնական պաշտպան Դայո Ուպամեկանոն մարզական կարիերան կշարունակի «Բավարիայում»՝ հաղորդում է մյունխենյան ակումբի պաշտոնական կայքը:
22-ամյա ֆուտբոլիստը «Բավարիային» կմիանա 2021 թվականի հուլիսի 1-ին:
Կողմերը համաձայնության են եկել 5 տարվա պայմանագրի շուրջ, որի ժամկետը կգործի մինչև 2026 թվականի հունիսի 30-ը:
«Ուրախ ենք, որ կարողացանք պայմանագիր կնքել Դայո Ուպամեկանոյի հետ: Համոզված ենք, որ Դայոն մեր թիմի շատ կարևոր անդամ կդառնա»,- «Բավարիայի» պաշտոնական կայքը մեջբերում է ակումբի մարզական տնօրեն Հասան Սալիհամիջիչի խոսքը:
Հավելենք, որ Ֆրանսիայի հավաքականի պաշտպանը Բունդեսլիգայի ընթացիկ մրցաշրջանում մասնակցել է 19 խաղի՝ դառնալով գոլի և գոլային փոխանցման հեղինակ:
